Të shtënat në Sarandë, policia: Po luante me armë zjarri, qitje të pavullnetshme

Policia e Sarandës ka zbardhur ngjarjen e të shtënave me armë në qytet, ku në lagjen nr.1 u gjet e braktisur në mes të rrugës një BMW seria 5.

Sipas policisë një 23-vjeçar i identifikuar si Klaudio Qendro, i cili po drejtonte mjetin BMW me targa AB905BC, ka qenë duke luajtur me një armë që mbante me vete.

Sipas policisë i riu ka bërë qitje të pavullnetshme dhe nga frika ka braktisur mjetin dhe është larguar me vrap nëpër lagjet e qytetit.

Ai është arrestuar pak më vonë nga uniformat blu, ndërkohë që vijon puna për gjetjen e armës së krimit.

23 vjeçari, banues në Delvinë, rezulton i arrestuar në nëntor 2021 për “Vjedhje me dhunë” të një dyqani.

Sarandë/Informacion paraprak

Rreth orës 12:00, në lagjen nr. 1, Sarandë,  shtetasi K. Q., i cili udhëtonte me automjetin  tip “BMW”, dyshohet se duke luajtur me një armë zjarri, ka kryer qitje të pavullnetshme,   pa shkaktuar dëmtime të personit. Shtetasi K. Q. ka braktisur automjetin dhe është larguar me vrap, në brendësi të lagjes.

Shërbimet e Policisë janë vënë në ndjekje të shtetasit K. Q. dhe pas disa minutash ndjekjeje, bënë të mundur kapjen e tij. Vijon kontrolli i zonës për gjetjen e armës së zjarrit, pasi kur është larguar me vrap, ka hedhur armën e zjarrit.

Në vendngjarje ndodhet grupi hetimor dhe në drejtimin e Prokurorisë, vijon punën për sqarimin dhe dokumentimin e rrethanave të ngjarjes.

LEXONI GJITHASHTU:

• Braktisi BMW-në dhe u largua, kush është personi që qëlloi me armë në Sarandë
• Detaje nga vrasja në Bulqizë: U zunë në lokal, autori i shkoi me 2 makina në shtëpi
• Vritet me kaçavidë 26-vjeçari, policia arreston autorin