Ndërhyri të shuante konfliktin mes dy personave, kush është polici i plagosur rëndë

Redin Çaushaj 25 vjeç, me detyrë inspektor i Policisë së zonës në Lukovë, është efektivi i policisë i cili u plagos në gjendje të rëndë teksa u mundua të ndalonte përshkallëzimin e një konflikt mes dy personave në rrugë.

Efektivi i ri i policisë, po kalonte në vendin e njohur si kthesa e Pilurit në Himarë, teksa pa në rrugë se dy persona po konfliktoheshin me njëri tjetrin.

Jashtë shërbimit zyrtar, Çaushaj ndaloi për të neutralizuar konfliktin mes dy personave, por fatkeqësisht ai u qëllua me thikë nga 60-vjeçari Theodhori Mërkuri.

Ky i fundit u arrestua mëngjesin e sotëm pas 8 orësh kërkime dhe ndjekje, nga shërbimet e Policisë

60-vjeçari ishte fshehur në ambientet e ish-repartit ushtarak në fshatin Pilur.

Sakaq efektivi 25-vjeçar u transportua në Reanimacioin e Spitalit në Vlorë, ku ndodhet në gjendje të rëndë për jetën.

LEXONI GJITHASHTU:

• Polici ndërhyn për të ndaluar një sherr, përfundon i plagosur rëndë
• Qëlloi me thikë punonjësin e policisë, arrestohet pas 8-orë ndjekje 60-vjeçari
• Kapet kanabis në Lazarat, droni zbulon parcelën në oborrin e shtëpisë