Ndiqej nga policia, fugoni me klandestinë përplaset me dy mjete, zbardhet ngjarja

Një aksident ka ndodhur mbrëmjen e së dielës në Këlcyrë. Një furgon tip “Opel”, i cili po ndiqej nga policia është përplasur me dy automjete të tjera, ku për pasojë janë plagosur dy persona.

Mësohet se fugoni transportonte emigrantëve të paligjshëm dhe në momentin që po bëheshin tentativa për ta bllokuar, drejtuesi i automjetit ka tentuar të largohej dhe është përplasur. Për pasojë janë dëmtuar 2 shtetas, emigrantë nga vendet e treta. Gjatë kontrollit të mjetit shërbimet e policisë kanë konstatuar 22 emigrantë të huaj nga vendet e treta.

Policia njofton se drejtuesi i mjetit së bashku me emigrantët janë shoqëruar në polici ndërsa dy emigrantët e dëmtuar janë dërguar në spital për ndihmë mjekësore në spitalin e Gjirokastrës.

Njoftimi i policisë

Në aksin rrugor “Përmet-Këlcyrë”, në vendin e quajtur “Mekami”, Këlcyrë, fugoni tip “Opel”, me drejtues shtetasin A. H., ka qënë në ndjekje nga  strukturat kundër krimit të organizuar të DVP Gjirokastër, pasi  dyshohej se transportonte emigrantëve të paligjshëm dhe në momentin që po bëheshin tentativa për ta bllokuar, drejtuesi i automjetit  ka tentuar të largohej me gjithë automjet dhe për pasojë ka goditur dy automjete të tjera.

Për pasojë nga përplasja, janë dëmtuar 2 shtetas, emigrantë nga vendet e treta.

Gjatë kontrollit të mjetit shërbimet e policisë kanë konstatuar 22 emigrantë të huaj nga vendet e treta.

Drejtuesi i mjeti së bashku me emigrantët janë shoqëruar në ambientet e policisë për veprime të mëtejshme, ndërsa dy emigrantët e dëmtuar, janë dërguar në spital për ndihmë mjekësore, në spitalin e Gjirokastrës.

LEXONI GJITHASHTU:

• Konsumoi metadon, foshnja dërgohet me helikopter në Tiranë (detaje)
• Papa Françesku bën thirrje për zgjidhje paqësore të krizës në Niger