Në kërkim për mashtrimin 28 mln euro, para gjykatës 61-vjeçari me pasaportë koreane

Shtetasi nga Koreja e Jugut, Stephan Morgenstern, i arrestuar një ditë më parë pranë Rinasit ka dalë sot para gjykatës për t’u njohur me masën e sigurisë.

61-vjeçari kërkohet të ekstradohet në Korenë e Jugut i akuzuar për mashtrim në vlerën e 28 mln eurove.

Morgenstern u kap në një hotel pranë Rinasit, ku priste bashkëshorten e cila udhëtonte nga Dubai në Shqipëri.

Stephan Morgenstern akuzohet për krijim të skemave piramidale në nivele ndërkombëtare.

Ai akuzohet se së bashku me persona të tjerë kanë përvetësuar rreth 28 milionë euro përmes skemave piramidale.

Gjatë periudhës 27 mars 2016 – 7 nëntor 2020, këta shtetas kanë mashtruar 2156 shtetas, me një dëm në vlerë monetare totale 40 703 930 904 KRË (monedha e Koresë së Jugut) ose rreth 28 000 000 euro.

LEXONI GJITHASHTU:

• Përvetësoi 28 mln euro përmes mashtrimit, kush është 61-vjeçari i arrestuar në Rinas
• Po priste gruan nga Dubai, arrestohet në Rinas i shumëkërkuari. Përvetësoi 28 mln €