Allushi dha dëshmi të rreme, s’ishte në mjet. Kush e ngiste BMW-në te diga e liqenit

BMW-ja x6 që “fluturoi” me shpejtësi skëterrë mbi digën e liqenit artificial nuk drejtohej nga pronari 26 vjeçar i arrestuar Eldi Allushi, por nga një nga shok i tij. Për këtë policia ka shpallur në kërkim Emiljano Ninën, të cilin e akuzon për 6 vepra penale, nga shkelja e rregullave të qarkullimit”, “Drejtimi i automjetit në mënyrë të parregullt”, “Largimi nga vendi i aksidentit”, “Shkatërrimi i pronës”, “Moskallëzimi i krimit”, “Veprime që pengojnë zbulimin e së vërtetës” dhe “armbajtja pa leje” pasi në banesë iu gjet një shkop bejsbolli.

Në gjendje të lirë për moskallëzim krimi po hetohet edhe 25 vjeçari Jurgen Allushi, i cili ka qenë pasagjer në mjet. Pronari i arrestuar fillimisht tentoi të manipulojë ngjarjen duke rrëfyer se i ishte stakuar pedali i gazit. Të rinjtë dyshohet se në momentin e aksidentit të pazakontë në orën 5 të mëngjesit të së martës, kanë qenë në gjendje të dehur ose nën efektin e lëndëve narkotike.

Nga shpejtësia e lartë mjeti arriti të ngjisë digën duke rrezikuar jetën e qytetarëve që frekuentojnë liqenin artificial.

LEXONI GJITHASHTU:

• Me shpejtësi skëterre, publikohet videoja e BMW që “fluturon” tek diga e Liqenit
• Automjeti futet në pedonalen e Liqenit Artificial, përplaset me murin e digës