I qetë duke shijuar koncertin, video e Putin fill pas vdekjes së Prigozhin

Është publikuar dhe videoja e parë e presidentit Vladimir Putin pas vdekjes së kreut të Ëagner Yevgeny Prigozhin, në një aksident me avion shumë pranë Moskës.

Fill pas bërjes publike të lajmit, Putin ka marrë pjesë në një koncert që i kushtohej 80-vjetorit të fitores së trupave sovjetike në Betejën e Kurskut.

Shefi i kremlinit u shfaq i qetë dhe duke shijuar muzikën e orkestrës që po luante gjatë shfaqjes.

Avioni, i cili po udhëtonte nga Moska për në drejtim të Shën Petersburg, u rrëzua pranë fshatit Kuzhenkino, duke humbur jetën të 10-të personat që ndodheshin në bord, mes tyre dhe shefi i Wagner.

Rosaviatsia, autoriteti rus i aviacionit, tha se Prigozhin dhe komandanti i lartë i Wagner Dmitry Utkin ishin të konfirmuar se ndodheshin mes 10 viktimave të avionit privatë Embraer që u rrëzua të mërkurën në mbrëmje.

Kanalet Telegram të lidhura me Wagnerin e shpallën gjithashtu shefin e mercenarëve të vdekur.

Burime të paidentifikuara thanë për mediat ruse se ata panë që aeroplani të rrëzohej nga raketat tokë-ajër, megjithëse kjo është ende e pakonfirmuar.

Dikur një i besuar i ngushtë i presidentit Vladimir Putin, Prigozhin kishte kritikuar shpesh ministrin e Mbrojtjes, Sergei Shoigu dhe gjeneralin e lartë, Valery Gerasimov, në lidhje me dështimet e ushtrisë ruse në ukrainë. Madje dy muaj më parë ai n isi një rebelim kundër Moskës, për të rrëzuar ministrin e Mbrojtjes, por që më pas u tërhoq pas negociatave me Putin.

Russia 🇷🇺
While everyone is discussing whether Prigozhin died on board his plane or not, Putin speaks live at the celebration of the 80th anniversary of the victory in the Battle of Kursk.
Source: Slava Intel Z. #Prigozhin pic.twitter.com/HCqU5M1Qzz

— Outspoken. 🇬🇧 (@ExploringAlway) August 23, 2023

LEXONI GJITHASHTU:

• Kryemercenari që sfidoi Putinin, kush është Yevgeny Prigozhin
• VIDEO| Momenti i rrëzimit të avionit me të cilin udhëtonte Prigozhin
• Vdekja e Prigozhin, Wagner kërcënon me një marshim të dytë drejt Moskës