Partizani ‘dorëzohet’ në Kazakistan, Ballkani drejt përsëritjes së suksesit

Skuadrat shqiptare kanë zhvilluar ndeshjet e para të fazës së Play off në Conference League, ku bie në sy fitorja me vlerë kualifikimi e Ballkanit në shtëpi, e cila mposhti Bate Borisov me rezultatin 4-1.

Në Arena Astana, Partizani i Zoran Zekic u mposht minimalisht, por përballja mund të shkonte edhe më keq, ndërsa Struga humbi në shtëpi ndaj Breidablik.

Kampionët e Shqipërisë, ndaj një rivali me dyfishin e vlerës zhvilluan një ndeshje jo të mirë, edhe pse rastet për gol nuk munguan me Rrapajn apo Carën. Astana vendase arriti të zhbllokonte sfidën në pjesën e parë me Loncar, ndërsa u anulluan dhe 3 gola të tjerë me autor Tomasev dhe Ajmetov. Kualifikimi do të vuloset në stadiumin Air Albania.

Ballkani ka hedhur një hap të madh drejt fazës së grupeve në Ligën e Konferencës, ku ndeshjen e parë e fitoi 4-1. Të besuarit e Ilir Dajës dhuruan spektakël duke përmbysur skuadrën Bjelloruse. Miqtë kaluan të parët në avantazh me Laptev, ndërsa skuadra dardane u kundërpërgjigj me Jashanicën, Thacin e Tolajn, me këtë të fundit që shënoi dygolësh.

Breidablik rezultoi një kundërshtar i vështirë për STrugën, duke rrëmbyer një fitore minimale në Ohër.

LEXONI GJITHASHTU:

• Escobar në Shkup: Nuk jam këtu për tortura, duam t’ju shohim në BE 
• Arrestimet për sterilizimin, Rama: Kush ka hyrë në gjynahe me popullin, do paguajë