I dënuar në Itali për trafik droge, arrestohet në Tiranë trafikanti i rrezikshëm

Një 40-vjeçar i shpallur në kërkim ndërkombëtar është arrestuar nga policia e Tiranës me qëllim ekstradimin drejt Italisë.

Valter Çela, banues në Tiranë, rezulton i dënuar nga Gjykata e Apelit në Perugia, Itali, me 5 vjet burgim, nga të cilat i kanë mbetur për të kryer edhe 2 vjet e 9 muaj, për veprat penale “Pjesmarrje në organizatë kriminale me qëllim trafikimin e sasive të mëdha të lëndëve narkotike”, (kryesisht kokainë), “Mbajtje, prodhim, shpërndarje të sasive të mëdha të lëndëve narkotike” (kokainë), kryer në bashkepunim, parashikuar nga Kodi Penal i Italisë.

40-vjeçari u ndalua gjatë një operacioni në rrugën “Frosina Plaku” mëngjesin e kësaj të hëne.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.

“Shërbimet e Sektorit të Forcës së Posaçme të Operacioneve Speciale dhe Kërkimit, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Perugia”. Gjatë operacionit, në rrugën “Frosina Plaku”, shërbimet e Policisë kanë kapur dhe ndaluar shtetasin Valter Çela, 40 vjeç, banues në Tiranë”, njofton policia.

• EMRI| Kapet 43-vjeçari në kërkim ndërkombëtar, i dënuar në Itali për trafik droge
• Si u zbuluan 52 personat e përfshirë në trafik droge, zbardhet dosja hetimore
• I dënuar në Itali për trafik droge, arrestohet në Tiranë trafikanti i rrezikshëm