Vijojnë shkarkimet në Superligë, Kukësi largon trajnerin pas humbjes ndaj Egnatias

Shkarkimi i trajnerëve në Superligën Shqiptare vijon të jetë një sport më vete, ndërsa e merr vëmendjen në cdo moment. Pas shkarkimit të Stavri Nicës nga Laci, tani ishte radha e Rraman Hallaçi, me këtë të fundit që i dha fund aventurës me Kukësin. Ish-kapiteni i kësaj skaudre që më pas mori rolin e trajnerit u shkarkuar pas humbjes së pësuar ndaj Egantias.

Hallaçi mori drejtimi ne skuadrës që në sezonin e shkuar, ndërsa arriti të siguronte qëndrimin në elitë me ekipin verilindor. Këtë sezon situata është edhe më e vështirë, me kuksianët të cilët e kanë nisur keq sezonin. Një merkato jo normale, e cila pasqyrohet në fushën e lojës, bën që Kukësi të jetë shumë larg objektivave të vendosur nga drejtuesit.

Në javën e parë u mposht nga Vllaznia në Loro Boriçi 3-1, ndërsa përballja e dytë një disfatë e thellë me Egnatian, bëri që palët të ndërpresin marrëdhëniet. Futboll Klub Kukësi ka bërë një njofti mdhe në rrjetet sociale ku njofton largimin e Hallaçit, ndërsa thuhet më tej se shkak janë bërë rezultatet negative në dy javët e para. Sa i përket zëvendësuesit, ende nuk ka një emër konkret, ndërsa skuadra do të vijojë përgatitjet për ndeshjen e radhës në kampionat, atë ndaj Dinamos që luhet më 13 shtator.