Shqipëria niset drejt Çekisë/ Atmosferë pozitive në prag të sfidës

Përgatitjet në Tiranë kanë marrë fund, ndërsa kombëtarja shqiptare është nisur drejt Çekisë, aty ku do të zhvillojë dhe konferencën e fundit për shtyp. Grupi ka shkuar i plotë, ndërsa aktualisht të gjithë lojtarët janë në dispozicion të trajnerit Sylvinho për përballjen e radhës, e cila është e katërta në grupin E.

Atmosfera është e mirë, ndërsa shpresat që kuqezinjtë të kthehen me pikë nga praga janë të mëdha, ndërsa nuk do të mungojë mbështetja.

Sipas informacioneve, më tepër se 3 mijë tifozë do të jenë të pranishëm në Fortuna Arena, në mbështetje të kuqezinjve. Pjesa më e madhe e tifozëve janë ata me banim në vendet e ndryshme Evropiane, ndërsa organizim ka pasur dhe nga Shqipëria. Padyshim pjesëmarrja e grupimit TKZ nuk do të mungojë.

Sifda cilësohet dezive sa i përket rrugëtimit të Shqipërisë drejt Euro 2024, ndërsa është përballja e parë mes tyre në këto kualifikuese. Kujtojmë se Shqipëria e Cekia përballeshin me njëra-tjetrën dhe në vitin 2021, aty ku kundërshtarët fituan me rezultatin 3-1, ndërsa për kuqezinjtë goli i vetëm shënohej nga Sokol Cikalleshi. Në rast barazimi Shqipëria do të shkonte në kuotën e 7 pikëve, e nëse triumfon do të merrte kreun e grupit.

LEXONI GJITHASHTU: 

• Rumania thotë se pjesë të një droni rus ranë në territorin e saj
• Negociatat Bardhi-Basha/ Spaho: Ne reflektuam, Basha është në aleancë me Ramën