Ekzistenca e UFO-ve/ Stephen Bassett: SHBA ka qenë në dijeni për ata që në 1984

Drejtori i Paradigm Research grup Stephen Bassett ishte i ftuar këtë të diel në emisionin “Review” në Euronews Albania për të folur rreth qenieve jashtëtokësore.

Aipas tij shtetet e Bashkuara të Amerikës kanë pasur informacion për këto qenie jashtëtokësore që prej vitit 1984, ndërsa tani po përpiqen të tregojnë këto informacione duke bërë sikur nuk kanë qenë në dijeni më herët.

“Ajo që është e rëndësishme, është se që në vitin 1984 qeveria e Shteteve të Bashkuara ka ditur për fenomene anormale të paidentifikuara dhe ka pasur informacion për kontaktin e njeriut me qenie jashtë botës.

Qeveria e shteteve të bashkuara ka pasur informacion dhe ajo që po ndodh tani është se ka lindur një proces për të lejuar presidentin e Shteteve të Bashkuara që të përballet dhe të bëjë publike, informacionin për këto qenie jashtëtokësore.

Ajo që po shikoni nuk është qeveria e SHBA-së që s’e kupton se ç’po ndodh, qeveria e SHBA-së po gjen një mënyrë të rehatshme dhe më në fund po i thotë të vërtetën popullit të Amerikës, duke shpresuar se ata do e falin për këtë situatë”,-tha Stephen Bassett.

LEXONI GJITHASHTU:

• Digjet qiellgërvishtësi i famshëm në Sudan, momenti kur përfshihet nga flakët
• Origjina e Ferid Murad, Euronews Albania në gjurmët e nobelistit që promovoi kombin