Fluks turistësh në korrik, INSTAT: Numri i vizitorëve 39% më i lartë se në 2022

2023 ka shënuar rekorde positive për turizmin shqiptar. Instituti i statistikave ka nxjerr në pah se përgjatë muajit korrik, numri i vizitorëve është rritur me 39%, krahasuar me korrikun e 2022.

Në rritje me 48,2% ka ardhur edhe numri i netë-qëndrimeve.

Sipas të dhënave të publikuara nga INSTAT, numri i vizitorëve rezidentë është rritur me 45,3% dhe numri i vizitorëve jorezidentë është rritur me 35,2%.

Numri i netë-qëndrimeve nga rezidentët është rritur me 60,9 % dhe netë-qëndrimet nga jorezidentët është rritur me 42,3%.

Qendra e vendit duket se ka qenë më e frekuentuara, duke shënuar rritjen më të lartë me 70,5%. Në Zonat Bregdetare, ky tregues është rritur me 24,5%, krahasuar me të njëjtën periudhë të vitit të mëparshëm. Numri i vizitorëve jorezident të cilët janë akomoduar në “Hotele dhe akomodime të ngjashme” ka shënuar rritje me 30,6%.

Ekspertët kanë nxjerr në pah se në muajin korrik 2023, numri më i lartë i net-qëndrimeve është realizuar në Rajonin e Jugut 39,5% .

Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 44,8%, kundrejt 38,6% që ishte në muajin korrik 2022. Norma e shfrytëzimit të shtretërve të “Hoteleve dhe akomodimeve të ngjashme” është 49,5%, kundrejt 40,9% që ishte në muajin Korrik 2022.

LEXONI GJITHASHTU:

• Trendi i kirurgjisë estetike/ 15-vjeçarët duan hundë si Kim Kardashian
• “Nuk besoj në një kapiten” trajneri i Kombëtares, Silvinjo në Euronews Albania