Zëdhënësja e Prokurorisë: Fëmija i dhunuar në çerdhe është me vrimë në zemër

Një fëmijë 3-vjeçar është dhunuar nga edukatorja e një çerdheje shtetërore të quajtur “Gëzimi Ynë”, e cila ndodhet në Fushë Kosovë.

Familjari i indinjuar, Faton Geci, ka publikuar video-incizimin në llogarinë e tij në Facebook, teksa shihet dhuna e ushtruar ndaj nipit të tij.

Në kamerat e sigurisë shihet qartë që fëmija rrihet e tërhiqet zvarrë dhe me pas e dërgojnë në një dhomë pa kamera ku familjarët pretendojnë se 3 mësueset e kanë rrahur përsëri.

Zëdhënësja e Prokurorisë së Kosovës, Laureta Lulaj tha në emisionin GoodMorning Albanians në Euronews Albania se ajo që e bën edhe më tragjik rastin është fakti se fëmija i dhunuar është me vrimë në zemër.

“Nuk kemi pasur më parë ndonjë rast të raportuar për ndonjë rast dhune në këtë çerdhe më herët, por u bëjmë thirrje të gjithë prindërve që nëse kanë pasur raste të ngjashme të bashkëpunojnë me prokurorinë. Duke u mbështetur në deklaratën e përfaqësuesit ligjor të fëmijës, ajo është shprehur se fëmija ka një problem shëndetësor, ka vrimë në zemër që gjatë ditëve në vijim do verifikohet nga ekzaminimet”, tha zëdhënësja e Prokurorisë Themelore në Prishtinë.

LEXONI GJITHASHTU:

• Dhuna në Fushë-Kosovë, psikologia: Kujdes me reagimet e fëmijëve kur lihen në çerdhe
• Daja i 3-vjeçarit në Kosovë: Nipi ka shenja të tjera dhune në kokë e në qafë, s’flet