Tortura dhe ngujim për dy vite, shqiptari dhunë barbare ndaj gruas se lindi vajzë

Një rast tronditës dhune në familje është bërë publike në mediat greke, ku protagonistë janë dy të rinj shqiptar.

28-vjeçari, Aurel Kurti, ka mbajtur të mbyllur dhe ka dhunuar barbarisht bashkëshorten e tij 22-vjeçare për një periudhë 2-vjeçare.

22-vjeçarja u zhvendos nga Shqipëria në Volos në vitin 2021 pas martesës me bashkatdhetarin e saj 28-vjeçar.

Aurel Kurti përshkruhet si një bashkëshort mizor që nuk e la kurrë të mësonte greqisht gruan dhe të kishte kontakte me njerëz të tjerë.

Sipas mediave greke dhuna ishte shtuar në momentin që u bë e ditur gjinia e fëmijës së tyre pasi 28-vjeçari nuk donte vajzë.

“Kur lindi fëmija, nëna dhe foshnja jetuan për pesë muaj me grila të mbyllura dhe pa marrë rrezet e diellit. Rrahjet ishin të përditshme dhe 28-vjeçari nuk e lejonte nënën të shkonte te mjeku për vaksinimin e fëmijës dhe as të thërriste mjekun në shtëpi”, shkruan Protothema.

Rasti i rëndë i dhunës dhe ngujimit të gruas së bashku me fëmijën u zbuluan mbrëmjen e 21 shtatorit.

Ishin fqinjët e çiftit shqiptar ata që u mobilizuan pasi dëgjuan britmat e 22-vjeçares nga brenda shtëpisë.

Kur kanë trokitur me këmbëngulje në derë, 28-vjeçari e ka hapur atë dhe ka tentuar të arratiset, ndërsa banorët e kanë ndaluar dhe kanë lajmëruar policinë e cila e arrestoi dhe zbardhi ngjarjen.

LEXONI GJITHASHTU: 

• U aksidentua nga 28 vjeçarja, humb jetën 79-vjeçari në Korçë, arrestohet e reja
• VIDEO/ Pamjet nga momenti i plagosjes së efektivit të “Shqiponjave”