Reagon Kisha Ortodoke serbe: Persona të armatosur po lëvizin nëpër manastir

Dioqeza e Rashkës – Prizrenit e ka dënuar sulmin ndaj Policisë së Kosovës, ku ka mbetur i vrarë një zyrtar i Policisë së Kosovës, dhe ka theksuar se kjo ngjarje mund të ketë “pasoja të mëdha” andaj është e rëndësishme të ruhet paqja.

Dioqeza ka thënë se është e shqetësuar për shkak se “një grup personash të armatosur, të maskuar, kanë hyrë në Manastirin (Banjska) me automjet të blinduar, duke thyer portën e mbyllur të Manastirit”.

URGENT STATEMENT OF THE #SERBIAN #ORTHODOX #CHURCH (SOC) regarding the latest armed incident in North #Kosovohttps://t.co/9jL5wgpuFg

The Raška-Prizren Diocese (SOC) vehemently condemns the attack that took place this morning in northern Kosovo near the village of Banjska,… pic.twitter.com/GQN8bDeFTG

— Dečani Monastery (@DecaniMonastery) September 24, 2023

“Persona të armatosur, të maskuar, po lëvizin nëpër oborr dhe herë pas here dëgjohen të shtëna. Dioqeza dënon ashpër dhunën e hapur që ushtrohet në objektin fetar të Kishës Ortodokse Serbe, duke u bërë thirrje të gjitha palëve që sa më parë t’i japin fund konfliktit”, është thënë në njoftim.

Në fillim të korrikut, deputetja britanike Alicia Kearns pati thënë se në veri të Kosovës “armët po kontrabandohen në autoambulanca dhe më pas po ruhen në objektet e kishave”.

Misioni ushtarak i NATO-s në Kosovë, KFOR, pati thënë atë periudhë se nuk është gjetur asnjë provë për pretendimet e deputetes britanike, ndërkaq autoritetet e Kosovës i patën nisur hetimet.

LEXONI GJITHASHTU:

• Vrasja e policit në Kosovë, reagon Begaj: Akt kriminal për stabilitetin e rajonit
• Vrasja e policit, Hasani: Akt kriminal që kërcënon rajonin, jemi krah Kosovës