“Burri të rreh kur ti e ke hak”- Avokatja tregon mentalitetin e familjeve shqiptare

Një ngjarje e tmerrshme dhe e pabesueshme ishte ajo që ka ndodhur me një 22-vjecare në Volos të Greqisë.

Dafina Kurti dhunohej dhe u mbajt prej dy vitesh peng në shtëpi nga bashkëshorti i saj 28-vjeçari Aurel Kurti.

22-vjeçarja tregoi se erdhi në Volos në vitin 2021 nga Shqipëria, pas martesës me bashkatdhetarin e saj 28-vjeçar, Aurel Kurti.

Ajo dhe fëmija i saj që jetoi abuzimin që nga barku i nënës, jetonin brenda një shtëpie të mbyllur.

Ndërkohë avokatja Dorina Prethi e ftuar në emisionin “Good Morning Albanians” në Euronews Albania, theksoi se në shumë familje shqiptare është mentaliteti që burri të rreh nëse e ke hak.

‘Në Greqi  të gjithë emigrantët shihen me lupë. Mendoj se roli qendror është marrëdhënia prind fëmijë. Mendoj se të dy ata janë pjesë e kësaj dhune për shkak të një marrëdhënie të paplotë apo të dështuar nga prindërit e tyre. Ka shumë gra sot që nëse ankohen të prindërit e tyre, pyetja e parë që të bëjnë është se çfarë i ke bërë burrit se nuk të rreh kot. Pra prindërit janë ushqyer me mentalitetin që burri të rreh se ti e ke hak”-tha Dorina Prethi.

LEXONI GJITHASHTU: 

• “Burri të rreh kur ti e ke hak”- Avokatja tregon mentalitetin e familjeve shqiptare
• Veterani i UÇK-së: Rusia dhe Serbia duan të destabilizojnë Kosovën me këto sulme