Daçiç: Serbët në Kosovë të qëndrojnë të qetë, do bëjmë gjithçka për ruajtjen e paqes
Shefi i diplomacisë Ivica Daçiç tha sot se Serbia duhet të ketë kujdes nga të gjitha provokimet dhe se, serbët në Kosovë duhet të qëndrojnë të qetë dhe t’i besojnë vendit të tyre, i cili do të bëjë gjithçka për të ruajtur paqen pas përleshjeve të djeshme dhe vdekjes së 4 serbëve dhe një polic kosovar.
Daçiç ka thënë se në këtë situatë bashkësia ndërkombëtare po lejon që të ndodhë një konflikt në Kosovë dhe sipas tij po lë serbët të pushkatohen nga “policia kosovare-shqiptare”.
Ai ka theksuar se gjithçka që po ndodh tani është vazhdimësi e përpjekjeve të kryeministrit të Kosovës Albin Kurti për të provokuar gjithë situatën.
Daçiç theksoi mes të tjerash se kur shpërtheu konflikti mes Serbisë dhe shqiptarëve në Maqedoninë e Veriut, e gjithë bashkësia ndërkombëtare u përfshi në zgjidhjen e këtij konflikti dhe se tani serbët nuk kanë të drejtë as të protestojnë kundër terrorit që po ushtrohet ndaj tyre.
Zyrtari i lartë serb shtoi se Serbia është në favor të vazhdimit të dialogut duke respektuar parimet e dakorduara 10 vjet më parë.
Daçiç po ashtu theksoi se manastiri i Banjskës është monument kulturo-historik, fetar i shekullit të 14-të dhe se pranë tij nuk ka asnjë xhami të asaj periudhe, gjë që vërteton më së miri ekzistencën shekullore të serbëve mbi KIM.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë