Ambasadori amerikan në Serbi: Duhet ta dënojmë vrasjen e policit të Kosovës

Ambasadori amerikan në Serbi, Christopher Hill ka folur për sulmin terrorist të së dielës në Banjskë të Zveçanit ku u vra polici Afrim Bunjaku.

“Të gjithë duhet ta dënojmë vrasjen e një pjesëtari të policisë së Kosovës dhe gjithmonë mbajmë zi për humbjen e jetëve, por duhet të vazhdojmë me procesin politik. Proceset janë duke u zhvilluar për të inkurajuar dialogun”, tha Hill.

Ai gjithashtu theksoi se procesi diplomatik duhet të forcohet në ditët dhe javët në vijim.

“Kjo situatë po trajtohet shumë seriozisht dhe po bëhen diskutime të shumta se çfarë hapash të mëtejshëm duhet të ndërmerren”, tha i dërguari i Uashingtonit në Beograd.

LEXONI GJITHASHTU:

• Vuçiç bisedon me QUINT-in dhe BE-në për situatën në Kosovë
• OpenAI: ChatGPT do të jetë në gjendje të flasë me përdoruesit