Arbër Zaimi-Ramës: S’mund të krijosh miqësi me kriminelin Vuçiç, e ke pasur gabim

Arbër Zaimi, anëtar i Kryesisë së VV-së komentoi në emisionin Now në Euronews Albania reagimin e kryeministrit Edi Rama lidhur me Serbinë pas sulmit terrorist në veri të Kosovës.

Sipas tij, reagimi i Ramës është i vonuar pasi Shqipëria duhet ta shohë Serbinë me sytë e Kosovës, që është viktima e agresionit serb dhe po kërkon drejtësi.

“Nuk e di pse është vonuar kaq shumë. Mendoj se duhet të jetë shumë afër Kosovës. Më pëlqeu deklarata e ish-ministrit Ditmir Bushati që tha se Shqipëria duhet ta shohë Serbinë me sytë e Kosovës, sepse Kosova është viktima që ka pësuar agresion dhe kërkon drejtësi dhe krimineli është pala tjetër. Nuk mund të ndërtosh miqësi me kriminelin dhe të thuash e kam vëlla viktimën”, tha Zaimi.

LEXONI GJITHASHTU:

• Revoltohet Arbër Zaimi: Krimineli i madh që po mbron Serbia
• Gazetari: Serbia tentoi të pushtonte Kosovën, e tregon artileria e kapur