Gazetari: Serbia tentoi të pushtonte Kosovën, e tregon artileria e kapur

Gazetari Flogert Muça tha në një intervistë për Euronews Albania se terroristët serbë që sulmuan të dielën në veri të Kosovës ishin nisur për pushtim.

Sipas tij, kjo tregohet shumë lehtësisht nga artileria e kapur.

“Nuk ka më asnjë lloj diskutimi që grupi i armatosur, grupi terrorist nuk ishin njerëz të organizuar vetë apo disa kriminelë ordiner. Ata ishin pjesë e shërbimeve sekrete dhe të ushtrisë së Serbisë dhe pavarësisht betejave që kanë brenda Vulin dhe Vuçiç kundrejt njëri-tjetrit, ku njëri do t’i vërë zjarrin Ballkanit dhe tjetri bën sikur se di ose se di me të vërtetë sepse dhe këtë s’mund ta themi, pavarësisht të gjithave, faktet janë fakte dhe kemi të bëjmë me shtetin e Serbisë i cili ka tentuar të pushtojë në një farë mënyrë Republikën e Kosovës, është kaq e thjeshtë! Ata me atë lloj artilerie, sigurisht që ishin aty për pushtim,” – u shpreh Muça.

LEXONI GJITHASHTU:

• Vrasja në Rrëshen/ Gazetari: S’u bë nga profesionist, u gjetën mbi 30 gëzhoja
• Kisha Ortodokse Serbe reagon për sulmin në Banjskë: Për ne Kosova është Serbi