Armatimet në kisha, analisti: Fola para deputetes britanike, si e mësova nga prifti

Analisti Fatmir Sheholli tha në një intervistë për Euronews Albania se ka qenë në dijeni se djem të maskuar kanë shkuar dhe kanë lënë armë në Manastir.

Sipas tij, diçka të tillë e ka denoncuar që në shkurt, duke kujtuar se ka paralajmëruar para se, po të njëjtin fakt, ta nxirrte në dritë dhe deputetja britanike Alicia Kearns, 4 muaj më vonë.

“Kam kallëzuar në Drejtorinë për Anti-Terrorizëm në Policinë e Kosovës që në shkurt të dhëna dhe dëshmi për praninë…sepse kam qenë vetë në Manastirin që shkon drejt veriut me një taksist dhe kemi intervistuar një prift që na ka treguar se djem me maska po vijnë e po lënë armë në kisha,” – u shpreh Sheholli.

Më 30 maj deputetja britanike, Alicia Kearns ka shkruar një sërë statusesh në Twitter ku dënonte sulmet e serbëve në veri të Kosovës. Asokohe ajo shkroi se armët janë duke u zhvendosur me ambulanca dhe fshihen nëpër kisha.

LEXONI GJITHASHTU:

• BE: Kosova ka mandat për hetime, Serbia të bashkëpunojë pa kushte
• Po kalonin me dokumente false, arrestohet një liberian dhe një shtetas kosovar