Vrasjet e bandës së Haxhiut, Lala: Si u përplasën rrjetet e fuqishme të kokainës

Gazetarja Klodiana Lala ishte këtë të martë e ftuar në një intervistë për Euronews Albania ku ka folur për operacionin “Never Forget”, ku i penduari i drejtësisë, Artan Tafani duket se ka dhënë detaje shumë të rëndësishme në zbulimin  e shumë vrasjeve dhe ngjarjeve kriminale.

Klodiana Lala tha se Tafani ka zbuluar disa detaje se si janë përplasur grupi i Laert Haxhiut me grupe të fuqishme kriminale në Rotredam, gjë që mund të çoj në zbulimin e emrave surprizë.

“Se si do të rezultojnë dhe se sa do rezultojnë të vërteta deklarimet e Artan Tafanit, kjo mbetet për t’u hetuar. Por përtej vrasjeve, ai ka folur edhe për rrjete të fuqishme të trafikut të drogës të cilët janë nga Amerika Latine në drejtim të Holandës, Belgjikës dhe më pas në Shqipëri.

Ai ka thënë se dy nga ngjarjet e ndodhura në Greqi siç është vrasja e Lulzim Qorrit dhe Dikens Halilit, kanë ndodhur për shkak se Laert Haxhiu dhe grupet kriminale ishin në përplasje me to, për prishje të pazareve të drogës në Rotredam dhe në Belgjikë, këto detaje mund të sjellin të nesërmen emra surprizë që mund të arrestohen.

Këtë që them e them me përgjegjësi të plotë, dëshmia e plotë e tij do dalë nesër e asgjë nuk mbetet pa u zbuluar në këtë vend. Autoritetet duhet të jenë të kujdesshëm”,-tha Klodiana Lala.

LEXONI GJITHASHTU:

• Serbia tërhiqet nga kufiri, DASH: E mirëpresim, por duhet ta verifikojmë
• Arrestimi i zyrtarit që shiste produkte të skaduara në shkollë, reagon Balla