Van Gogh, një ekspozitë e re në Paris me ndihmën e inteligjencës artificiale

Piktori post impresionist Vincent van Gogh ringjallet si pjesë e një ekspozite që bazohet në teknologjinë e përparuar, gjeneruese të inteligjencës artificiale.

Presidenti i Musée d’Orsay, Christophe Leribault tha se ekspozita, e cila gjithashtu përfshin elemente të realitetit virtual, premton të jetë një “zbulim” në lidhje me një artist “të gjithë e njihnin”.

Shpërthimi i fundit krijues i Vincent van Gogh gjatë betejave të tij sfiduese me shëndetin mendor është fokusi i ekspozitës në Musée d’Orsay të Parisit, me rreth dyzet piktura dhe rreth njëzet vizatime nga dy muajt e tij në Auvers-sur-Oise, që do të nxjerrin në pah këtë periudhë në mënyrë tematike: peizazhet e para që përshkruajnë fshatin, portrete, natyra të qeta, peizazhe të fshatit përreth.

Ekspozita do të prezantojë gjithashtu një seri pikturash në një format dyfish të zgjatur katrore, unike në veprën e Van Gogh-ut.

Dhimbjen e jetës së tij të përvuajtur Van Gogh e shndërroi në bukuri mahnitëse. Ai përdori pasionin dhe dhimbjen për të portretizuar ekstazën, gëzimin dhe madhështinë e botës në mënyrë gjeniale, duke e bërë piktorin një nga më të mëdhenjtë e të gjitha kohërave.

Ekspozita përbën kulmin e viteve të kërkimit të kësaj faze vendimtare të jetës së Van Gogh, dhe do të lejojë më në fund publikun ta vlerësojë në dimensionin e tij të vërtetë.

LEXONI GJITHASHTU:

• U vodh 3 vite më parë, kthehet në një këllëf jastëku piktura e Van Gogh
• Rikuperohet Van Goghu i vjedhur që vlen 6 mln euro, detektivi ia kthen muzeut