Bardhi kërkon seancë urgjente për Kosovën: Nuk na nderon fakti që jemi të fundit

Kryetari i Grupit Parlamentar të PD-së, Gazment Bardhi, kërkoi gjatë mbledhjes së Konferencës së kryetarëve mbajtjen e një seance urgjente në Kuvend për mocion me debat dhe miratimin e rezolutës për situatën në Kosovë.

“Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar”,-u shpreh Gazment Bardhi.

PS propozon që rezoluta dhe mocioni me debat të mos jenë urgjenete.

Ndërsa Lindita Nikolla ka pasur edhe një propozim për datën kur ky mocion mund të bëhej

“Propozoj që debati bashkë me rezolutën të bëhen më 19 Tetor”,-propozoi Nikolla,

“Nuk mund të nxitojmë. Çdo rezolutë duhet të mbajë ndër mend pozicionin e Shqipërisë që ka në NATO dhe në çdo organizëm. Data mund të rishikohet që të jetë më shpejt, ndoshta të enjten e seancës. Por të hënën nuk mund ta bëjmë dot”,-tha  Bledi Çuçi.

“Shembullin për rezolutë të përbashkët na e dha Kosova. Nuk e kemi kompleks. Rëndësi ka vullneti, mund ta arrimë edhe të hënën”, u shpreh Jorida Tabaku.

LEXONI GJITHASHTU:

• Rreziku nga Inteligjenca Artificiale, avokati: Ja ku duhet të tregojmë kujdes
• Arrestohet hajduti i ikonave në Maliq, i dyshuar për vjedhjen e disa kishave