Molliqaj: Jam kundër shpërnguljes dhe heqjes së serbëve nga Veriu, s’dua konflikt

Kryetari i PSD-së Dardan Molliqaj tha në një intervistë për Euronews Albania se dialogu mes Kosovës dhe Serbisë është një çështje e padiskutueshme.

Ai u shpreh se është kundër shpërnguljes dhe heqjes së serbëve nga Veriu, gjë që sipas tij do të sjellë konflikt.

“Që do të ketë dialog është e padiskutueshme, që ky kryeministër do shkojë në dialog është e panegociueshme, që bashkësia ndërkombëtare s’e ka lëvizur asnjë prese në një marrëveshje të dëmshme si për veriun dhe për Preshevën kjo është e vërtetë. Dialogu duhet të ndryshojë kornizë, autonomia e serbëve në veri është tharmi i konfliktit në Kosovë. Nga ana tjetër shqiptarët e Luginës po përdoren vetëm ku i duhen politikës. Për mua ata në Preshevë janë më të rrezikuarit dhe në vijën e parë të frontit. Unë  jam kundër shpërnguljes së serbëve nga veriu i Kosovës, ajo që nuk e ka kurrë mbështetjen time qeveria e Kosovës është konflikti. Qeveria e Kosovës do ketë mbështetjen time nëse është gati për një marrëveshje paqeje të përjetshme jo për populizma”, tha Molliqaj.

LEXONI GJITHASHTU:

• Spahiu: Veriu mban me ujë dhe energji elektrike Kosovën, s’mund ta falim kurrsesi
• “Kosova, pikë e nxehtë”- Rama për FT: NATO të rivendosë kontrollin në Veri