“1 mijë euro taksë për mullarët dhe kasollet’, Kreshnik Spahiu sulmon Ramën

Juristi Kreshnik Spahiu tha në emisionin Now në Euronews Albania se ligji për çmimin e referencës është antiligjor dhe disproporcional.

Sipas tij, në asnjë vend të BE shtëpia që është në përdorim nuk taksohet me 15 për qind me çmimin e referencës, se nuk tatohet mbi fitimin.

“Mbi fitimin taksohen me çmim reference objektet që janë blerë për biznese, kur ke një shtëpi të dytë apo një dyqan që e jep me qira dhe ti më pas e shet, atëherë taksa 15 për qind mund të funksionojë. Nëse shet shtëpinë tënde nga halli nuk taksohesh. Ajo që është për efekt fitimi, ajo taksohet. Nuk ka taksë më diskriminuese se sa të fusësh taksën e pronës në faturën e dritave. Në ligjin që do fusin në fuqi në 2026, oligarkët që kanë hotele me 5 yje përjashtohen nga taksa e pronës dhe stallat e lopëve dhe mullarët taksohen”,  tha Spahiu.

LEXONI GJITHASHTU:

• Kreu i ndërtuesve: Shkoi 3000-4000 euro m2 i apartamentit në ish-Bllok
• “U rritën taksat në mes të vitit”- Rama debat me ndërtuesin: Ndërto vitin tjetër