Bllokuan foltoren, përjashtohen 10 ditë nga punimet e Parlamentit 8 deputetë të PD

Komisioni i Etikës përjashtoi me 10 ditë nga punimet e Parlamentit 8 deputetë të Partisë Demokratike.

Kërkesa për përjashtimin e tyre erdhi nga PS që kërkoi marrjen e masave për deputetët e opozitës që një ditë më parë bllokuan votimin e projektligjeve në parlament.

Deputetë e përjashtuar janë Elda Hoti, Albana Vokshi, Bledion Nallbati, Zheni Gjergji, Lefter Gështenja, Asllan Dogiani, Luan Baçi dhe Gazmend Bardhi.

Në momentin e votimit, deputetët e mësipërm me në krye Gazment Bardhin bllokuan foltoren e Kuvendit, vendet e uljes së ministrave dhe foltoren e folësve.

Shkak për këtë ishte kërkesa e Gazment Bardhit për të votuar në rendin e ditës ndryshimet në përbërjen e komisionit të posacëm të reformës zgjedhore, gjë e cila u kundështua nga shumica qeverisëse.

LEXONI GJITHASHTU:

• Spahiu: Në selinë e PD do ndërtohen 3 kulla, për Bashën, Bardhin dhe Berishën
• Zbardhet kërkesa e PS, kush janë deputetët demokratë që kërkohet të “ndëshkohen”