Zgjidhen 3 anëtarët e rinj të KLGJ, kush janë gjyqtarët fitues

Asambleja e gjyqtarëve zgjodhi 3 anëtarët e rinj të Këshillit të Lartë Gjyqësorë, 1 nga radhët e gjykatave të apelit dhe 2 nga shkalla e parë. Zv/kryetari i Gjykatës së Lartë Sokol Sadushi theksoi se nga ky institucion duhet të këtë një reagim më të fortë ndaj sulmeve dhe kërcënimeve të gjyqtarëve.

Emiona Muçi, Gentiana Muçaj dhe Markelian Koça janë anëtarët më të rinj të Këshillit të lartë gjyqësor që do të mbajnë mandat 5 vjeçar. Në  asamblenë e përgjithshme të gjyqtarëve, ata u zgjodhën pas votimit të 236 magjistratëve si përfaqësues të gjykatave të apelit dhe shkallës së parë. Zv/kryetari i Gjykatës së Lartë Sokol Sadushi theksoi se nga ky institucion pritet më shumë mbështetje  dhe reagim më i fortë ndaj sulmeve mbi gjyqtarët.

 “Kërkohet të reagohet në mënyrë koherente ndaj sulmeve të padrejta, të shumta e të vazhdueshme deri edhe në kërcënime që u bëhen gjyqtarëve për shkak të funksionit”,-tha Sokol Sadushi, zv/kryetar i Gjykatës së Lartë.

Sadushi tërhoqi vëmendjen e anëtarëve të Këshillit të Lartë Gjyqësor duke i kërkuar emërimin e 40 magjistratëve të rinj pasi sistemi është në emergjencë. Anëtarët e rinj të KLGJ-së do ta  marrin detyrën në dhjetor, duke zëvendësuar Marçela Shehun ,Brikena Ukperajn dhe Dritan Hallunajn.

LEXONI GJITHASHTU:

• Protestë në ditën e samitit? Berisha: Europës t’i tregojmë të vërtetat e regjimit
• Kokalari sulmon Lapajn: Nuk e ka mbështetjen e SHBA-së. Ku i gjen fondet?