Trajneri çek: Mendoj se Çekia do fitojë 2-1 përballë Shqipërisë

Sot është një ditë e rëndësishme për të gjithë tifozët e futbollit sepse në mbrëmje luhet ndeshja mes Shqipërisë dhe Çekisë.

Kjo ndeshje është shumë e komentuar për rëndësinë e saj lidhur me renditjen e të dyja skuadrave. Po ashtu është përfolur edhe për biletat, çmimin e tyre dhe faktin që u shitën për vetëm 3 orë duke mërzitur shumë tifozë që nuk mundën t’i siguronin.

Miroslav Fanta, trajneri çek i portierëve në emisionin GoodMorning Albanians në Euronews Albania bëri një parashikim për ndeshjen e sotme që sipas tij do fitohet nga Çekia me rezultatin 2-1.

“Ajo që mund të them si një fans i Çekisë është që do luajmë më mirë se në ndeshjen e shkuar në sulm dhe duhet të fitojmë, të bëjmë edhe hapin e fundit për të hyrë në Evropian. Pjesa më e fortë e jona është se kemi një ekip me eksperiencë të mirë dhe duhet ta menaxhojmë mirë situatën që kjo eksperiencë të vlejë edhe këtu. E kam të vështirë të parashikoj rezultatin se kam marrëdhënie shumë të mira me Shqipërinë ku kam punuar si trajner. Dua që Çekia të fitojë, por e kam në zemër edhe Shqipërinë. Me një barazim do isha i kënaqur. Por mendoj se Republika Çeke do fitojë 2-1 me Shqipërinë”, tha ai.

LEXONI GJITHASHTU:

• Ndeshja Shqipëri-Çeki, Balla takim me drejtues të policisë dhe FSHF: Asnjë tolerim
• Ndeshja Shqipëri-Çeki/ Policia publikon planin e masave, rrugët që do të bllokohen