Fëmijët në rrezik nga interneti, Dine: Të ekspozuar ndaj bullizmit, dhunës seksuale

Interneti dhe platformat online po kthehen gjithmonë e më shumë në një rrezik veçanërisht për fëmijët. Platforma kombëtarë Isigurt.al ngre shqetësimin se së fundi rrejti telegram është kthyer në një vend ku dhuna seksuale ndaj të miturve është në nivel alarmant.

 “Në telegram krijohen chate, afera të cilat përmbajnë dhunë seksuale, materiale me përmbajtje të papërshtatshme ku aty absolutisht ka patur dhe fëmijë, krime të dhunës seksuale pra një boom informacionesh videosh fotosh të cilat cenojnë çdo fëmijë dhe të rriturit janë fajtorë sepse s’kanë denjuar të bëjnë një hap më teje dhe absolutisht krijojnë një rrejt pedofilie”,-tha Borjana Dine, I sigurt.al 

Fëmijët janë të pasigurt dhe të ekspozuar ndaj rreziqeve të ndryshme online.

“Ne kemi më shumë raste se sa kemi patur në vitet e kaluara, kemi bullizëm, gjuhë urrejtje, askush nuk pyet për asgjë, tik-tok mbetet një ndër aplikacionet më të rrezikshme për fëmijët por njëkohësisht dhe më trend”,-tha Borjana Dine,  i sigurt.al .

Të gjendur në këto kushte, ekspertët kërkojnë reagimin e të gjithë shoqërisë.

“Të gjithë ne së bashku duhet që përveç vigjilencës të krijohet një pakt kombëtar ndaj dhunës seksuale online”,- Borjana Dine, Isigurt.al.

Në platformën kombëtare Isigurt.al vetëm në10 muajt e parë të vitit janë adresuar 200 ankesa për dhunë ‘online’ të të gjitha formave.

LEXONI GJITHASHTU:

• Kurti dhe djali i Adem Jasharit drejt Tiranës për ndeshjen: Forca! Evropiani na pret
• Kush janë tre prokurorët që kandidojnë për në SPAK