Avokati serb: Vuçiç po i bën presion BE-së me lidhjet me Iranin, Rusinë dhe Kinën

Avokati serb Cedomir Stjokoviç tha në një intervistë për Euronews Albania se presidenti serb Aleksandër Vuçiç po përpiqet t’i bëjë presion Bashkimit Europian duke e “kërcënuar” për lidhje të mundshme me Rusinë, Kinën dhe Iranin.

Sipas tij Vuçiç nuk duhet të dëgjohet më.

“Vetëm dy ditë më parë, ministri serb i Ekonomisë i bëri thirrje Iranit që të investojë më shumë në Serbi. E përsëris! Ministri i Ekonomisë i bën thirrje Republikës Islamike të Iranit që të investojë në Serbi në këtë moment gjeopolitik të vështirë, ndaj ajo që mund të shohim është se Vuçiç përpiqet të krijojë marrëdhënie me vendet e tjera, të forcojë autoritetin e tij dhe t’i bëjë të qartë Europës se nëse duan ta sanksionojnë për shkak të Banjskës, atëherë ai do t’i drejtohet Kinës dhe Iranit dhe në të njëjtën mënyrë do të bëhet bashkë me Rusinë dhe Vladimir Putin,” – u shpreh Stjokoviç.

LEXONI GJITHASHTU:

• Senatorja amerikane: Serbia të bashkëpunojë për hetimin e sulmit në Banjskë
• “Koha për kokën e okupatorit”- Kërcënohet me vdekje ambasadori amerikan në Serbi