Flet vullnetari: Izraelitja u mbulua me gjakun e saj që t’i shpëtojë Hamas

Raphael është një vullnetar i ndihmës emergjente nga Izraeli i cili jeton në Efrat por që për shkak të punës është detyruar të shkojë në qytete të ndryshme të vendit për të dhënë ndihmën e tij.

Për shkak të luftës aktualisht ka mbi 120 mijë të zhvendosur brenda Izraelit, njerëz të cilët kanë jetuar në Rripin e Gazës. Ata janë sulmuar më 7 tetor në qytetet dhe fshatrat që janë në pjesën veriore të kufirit midis Izraelit dhe Libanit, për shkak të kërcënimeve të Hezbullahut.

Autoritetet vendase po punojnë për hyrjen e ndihmave humanitare në Rripin e Gazës, me qëllim që këto ndihma të shpërndahen për qytetarët, e jo për Hamasin, sepse, Hamasi është duke vjedhur ç’të mundet duke e marrë nga popullsia civile, në mënyrë që të përmbushë nevojat e veta.

Në një intervistë për emisionin GoodMorning Albanians në Euronews Albania ai tergoi historinë e një izraeliteje e cila u detyrua të priste trupin dhe të mbulohej me gjakun e saj që t’i shpëtonte terroristëve të Hamasit.

“Kemi parë skena që nuk kemi dashur kurrë ti shihnim. Kam parë një grua që ishte në festivalin Supernova, kur ndodhi sulmi i Hamasit dhe ajo arriti të mbijetojë duke marrë gjakun e saj dhe duke u mbuluar me të. Ka hequr rrobat e saj dhe ka bllokuar gjakderdhjen dhe ka qëndruar ashtu për disa orë derisa ushtria izraelite e ka shpëtuar. Kur e sollën në spital për shkak të gjakderdhjes së madhe rrezikonte t’i prisnin krahun”, tregoi ai.

LEXONI GJITHASHTU:

• Izraeli kryen një sulm tokësor në Gaza
• Izraeli: Më shumë se gjysma e 220 pengjeve të mbajtura nga Hamasi janë të huaj