“S’e dimë sa e ka shitur lëkurën Kurti!” Spahiu: Plani franko-gjerman plan këmbimi!

Analisti Nexhemdin Spahiu tha në emisionin Review në Euronews Albania se plani franko-gjerman është një plan këmbimi; asociacioni i komunave serbe në këmbim të njohjes së Kosovës.

Sipas tij, ndryshe nga udhëheqësit e mëparshëm të Kosovës, që bënin kompromise duke mos marrë asgjë në këmbim, Kurti po e kondicionon me njohjen nga ana e Serbisë, që është qëllimi më i lartë.

“Nuk është çështja nëse asociacioni është brenda Kushtetutës apo e tejkalon, se mund të jetë brenda kushtetutës, por mund ta ndryshojë më vonë, varet cilat do të jenë kompetencat e këtij asociacioni. Deri tani s’e dimë sa e ka shitur lëkurën Albin Kurti, s’e dimë nëse ky propozim i dëmton pak apo shumë interesat e Kosovës. Çështja është se tani, ndryshe nga udhëheqësit e mëparshëm që bënin kompromise duke marrë asgjë në këmbim, Kurti po e kondicionon me njohjen nga ana e Serbisë. Plani franko-gjerman është formulë këmbimi, është asociacioni dhe njohja de fakto dhe de juro nga Serbia”, tha Spahiu.

LEXONI GJITHASHTU:

• Gashi kritika BE-së: Një spanjoll ka për ta parë Kosovën siç sheh Katalonjën!
• “Kurti të bëjë Asocacionin, Vuçiç njohjen”- Liderët e BE deklaratë të përbashkët