Mema kundërshton analistët: Flisni sa te doni, rrugët të çojnë drejt Beogradit!

Avokati Medlir Mema tha në emisionin Review në Euronews Albania se zgjidhja përfundimtare e ngërçit mes Kosovës dhe Serbisë është në Beograd.

Sipas tij, Kurti ka meritat se ka treguar që mund të merret një marrëveshje më e mirë në mbrojtje të interesave të qytetarëve të Kosovës.

“Fakti që ndërkombëtareve u janë hapur sytë për Serbinë është një argument qesharak se të gjithë e dinë kush është Serbia. Interesat janë ndërkombëtare, të vendeve përkatëse. Nëse dikush këmbëngul në fundin të kësaj çështjeje nuk është për interes të këtyre dy vendeve, por për interesa vetjake.

Rrugët të gjitha të çojnë drejt Beogradit; nuk ka zgjidhje të çështjes së Kosovës pa dakordësinë  e Beogradit, është  e qartë. Përtej kritikave të shumta ndaj Kurtit, ai ka treguar se mund të marrësh një marrëveshje më të mirë se ajo që ka qenë më parë, ndaj duhet të vazhdojë me këmbëngulje për të mbrojtur interesat e qytetarëve të Kosovës”, tha Mema.

LEXONI GJITHASHTU:

• Qiriazi: Kosova hap pozitiv! Kurti arriti të tregojë se Vuçiç është problemi
• Si Kurti kapi të papërgatitur Vuçiçin në Bruksel, flasin ekspertët