Shoqërohet personi i dyshimtë te Kuvendi, i dorëzoi policisë pasaportë tjetër

Policia ka shoqëruar një person i cili ka bërë disa lëvizje të konsideruara të dyshimta përballë kryesisë së Kuvendit.

Sipas gazetarit të Euronews Albania,  Ardit Hoxha ai ka qëndruar për rreth 30-40 minuta përballë kryesisë së kuvendit, garda e republikës ka njoftuar një patrullë të policisë e cila pasi i kërkoi mjetin e identifikimit këtij personi, e ka shoqëruar atë drejt komisariatit.

Ky veprim është bërë pasi se pasaporta që i dha policëve, nuk ishte e tija pas verifikimit që u bë në sallë.

“Dy efektivët e policisë u thirrën nga garda, ata kanë marrë mjetin e identifikimit të personit në fjalë  dhe kanë bërë një kontroll të çantës që ai kishte, ata e kanë shoqëruar në komisariat, për të kryer procedurat e mëtejshme që parashikon kodi penal, sigurisht nëse kanë gjetur diçka të dyshimtë gjatë kontrollit”,-tha gazetari Ardit Hoxha.

Njoftimi i policisë

Më datë 02.11.2023, rreth orës 12:45, është marrë njoftim se në afërsi të Kryesisë së Kuvendit, është konstatuar një shtetas, i cili përbënte shqetësim për qytetarët.

Shërbimet e Policisë kanë kaluar në vendngjarje dhe kanë marrë kontakt me shtetasin F. B., 41 vjeç, dyshohet me probleme të shëndetit mendor, të cilin e kanë këshilluar të largohet dhe më pas është larguar pa probleme.

LEXONI GJITHASHTU:

• Investigimi i BBC: Lobimi i Bashës në SHBA u bë nga kompanitë e rrethit të Putin
• Thirrje për sulme terroriste në rrjetet sociale, dënohet me 3 vite burg Çollaku