Moti i keq mbërthen Shqipërinë, shtyhen ndeshjet e Kategorisë së Parë dhe të Dytë

Departamenti i Garave në Federatën Shqiptare të Futbollit bën me dije se do të ketë sërish një ndryshim në kalendarin e ndeshjeve të fundjavës në dy prej kampionateve kombëtare.

Për shkak të kushteve të rënduara atmosferike dhe reshjeve të dendura të shiut ndeshjet e programuara në fundjavë të Kategorisë së Parë dhe Kategorisë së Dytë do të spostohen për t’u zhvilluar ditën e hënë duke nisur nga ora 13:30.

Shqipëria është prekur mesditën e kësaj të premte nga stuhia  “Ciaran”, ku situata ka qenë në problematike në shumë qytete.

Si pasojë e reshjeve, në afërsi të “Pallatit me Shigjeta” është shkëputur një objekt dhe ka dëmtuar në kokë punonjësin e policisë rrugore, i cili ndodhte nën kujdesin e mjekëve.

Edhe lumi i Lanës ka dalë nga shtrati duke shkaktuar përmbytjen e disa makinave

Bashkia e Tiranës iu bën apel qytetarëve që të tregohen të kujdesshëm dhe të minimizojnë lëvizjet në 24 orët në vazhdim.

Rrugë të përmbytura me nivelin e ujit që kalon trotuaret, kaos në lëvizje dhe erë e frikshme, është dhe situata që paraqitet në qytetin e Durrësit, Shkodrës dhe Lezhës.

LEXONI GJITHASHTU:

• Ciaran godet Shqipërinë, përmbyt rrugë në Tiranë. Lana rrezikon të dalë nga shtrati
• Moti i keq në Shqipëri: Përmbytje në Durrës, thyhet pema mbi makina në Shkodër