Messi transferimi i dytë më i mirë, sulmuesi grek parakalon fituesin e Topit të Artë

Vetëm pak ditë më parë hipotekoi topin e 8-të të artë në futboll, duke vendosur një rekord historik, bëhet fjalë për Lionel Messin, i cili ka marrë një tjetër vlerësim.

Këtë herë shkëlqimi i argjentinasit nuk ishte aq i madh, pasi MLS, e cilësoi atë si transferimin e dytë më të mirë në kampionat. Në një votim të bërë ku merrnin pjesë gazetarët, futbollistët dhe klubet, u përzgjodhën 3 transferimet më të mira të bëra këtë sezon në SHBA, ku triumfoi greku Giorgios Giakomakis.

Ky i fundit kishte grumbulluar 45.% të votave, ndërsa më pas vinte Messi me 27.2% dhe Edward Lowen 15.4%. 28-vjeçari grek iu bashkua skuadrës së Atlantës këtë sezon, ku në 27 ndeshje ka shënuar 17 gola. Gjermani Lowen po ashtu ishte një prurje pozitive për St Louis me 5 gola në 16 përballje të luajtura.

Sa i përket Lionel Messit, është padyshim lojtari me influencën më të madhe në MLS, ku që prej transferimit të tij çmimi i biletave u rrit ndjeshëm, prania e tifozëve në stadium si dhe numri i fanellave të shitura. Argjentinasi ka shkëlqyer me Inter Miamin, duke shënuar 11 gola, 5 asiste në 14 paraqitje, teksa ka munguar për shkak dëmtimi.

LEXONI GJITHASHTU:

• Sot trofeu i Topit të Artë, a do mund Haaland dhe Mbappe të triumfojnë ndaj Messit
• Argjentina fiton edhe pa Messin, Brazili merr kreun e renditjes