Tempulli në Fier, arrestohet dhe një 25-vjeçar

Një 25-vjeçar është arrestuar në flagrancë ndërsa përgatiste doza kanabisi për t’i shitur.

Sasia e lëndës narkotike u sekuestrua nga policia.

Njoftimi i policisë:

Si rezultat i kontrolleve të pandërprera, në të gjithë territorin e qarkut, të kryera në kuadër të megaoperacionit policor mbarëkombëtar antidrogë, të koduar “Tempulli”, specialistët e Seksionit për Hetimin e Narkotikëve të DVP Fier, me mbështetjen e informacioneve të siguruara nga inteligjenca policore, kanë konstatuar dhe goditur një tjetër rast në këtë fushë.

Për këtë rast u arrestua në flagrancë shtetasi F. H., 25 vjeç, banues në Fier, pasi nga kontrolli fizik, iu gjetën dhe iu sekuestruan në cilësinë e provës materiale, disa doza të lëndës narkotike cannabis sativa që posedoheshin me qëllim shitjen, si dhe një grirëse e kësaj lënde.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Rezultatet e “Tempullit”/Balla: Zero tolerancë për këdo që ngre dorën ndaj shtetit
• Tempulli/ Arrestohen 3 persona për shpërndarje droge, procedohen 3 të tjerë