Vdekja e futbollistit në Rrogozhinë, Shyti: Ishte lojtari më i mirë i Superligës

Analisti Artan Shyti është shprehur se futbollisti ganez i cili ndërroi jetë sot në Rrogozhinë, Raphael Dwamena, ishte një nga lojtarët më të mirë të Superligës shqiptare.

Komentet Shyti i bëri gjatë fjalës së tij në emisionin “Review” në EuroNews Albania, ku tha se vetë përhapja e lajmit për vdekjen e tij, tregon edhe rëndësinë e futbollistit.

Ai shtoi se është tragjike kur një futbollist largohet nga jeta, pasi sipas tij, sporti është anti-teza e vdekjes.

“Sporti është sinonim i shëndetit, në fushë dalin njerëzit më të aftë fizikisht. Pra sporti është antitezë e vdekjes. Sportistët përballin edhe rreziqe. Sportistët janë makineritë më të përsosura njerëzore që ekzistojnë. Ishte lojtari më i mirë që kemi patur në Superligë.

Fakti që ka patur problematika, nuk vjen nga një histori që vjen pa rekorde, por kjo është një temë tjetër. Ne nuk rregullojmë dot asgjë nga ajo që i ndodhi të ndierit.

Fakti që gjithë medat ndërkombëtare e kanë paraqitur… Kur vdekja ndodh në sport është shumë tragjike, sepse ne bëjmë sport për t’iu larguar vdekjes”, është shprehur Shyti.

LEXONI GJITHASHTU:

• “Kolapsi” i tretë për lojtarin e Egnatias, vendosi defibrilator e shpërfilli mjekët
• E rëndë/ Ndërron jetë futbollisti, pësoi atak gjatë ndeshjes Egnatia-Partizani