Anila vdiq pasi makineria i shtypi kokën, familja: U informuam nga interneti

Familjarët e 26-vjeçares që humbi jetën në Itali kanë kërkuar drejtësi për jetën e humbur të vajzës së tyre.

Anila Grishaj humbi jetën teksa ishte duke punuar, pasi një makineri e drejtuar nga një koleg, i shtypi kokën.

Sipas mediave italiane, e motra e viktimës është shprehur se askush nga vendi i punës nuk tha asgjë për dy ore dhe se ata e morën vesh lajmin për humbjen e familjares së tyre nga faqet e internetit.

Mbrëmjen e së martës mamaja e Anilës kishte përgatitur darkën. Kishte peshk në furrë. Ajo po përgatiste tryezën për të mbledhur të gjithë familjen, si gjithmonë.

Ata thjesht prisnin Anilën. Por ajo nuk erdhi në shtëpi. Ajo kishte vdekur, askush nuk i kishte thirrur për t’i paralajmëruar për atë tragjedi.

“Ne ishim të fundit që e morëm vesh, është turp, duhet të ishim të parët”, tha motra e madhe, me fytyrën e zemëruar. “Për dy orë nuk na thanë asgjë, e morëm vesh nga faqet e internetit”. shtoi ajo.

“Duam drejtësi, duhet të na japin shpjegime”, thotë një kushëri, para se të kalojë nga dera dhe të bashkohet me të tjerët.

Ka një të dyshuar për vdekjen e 26 vjeçares, ai është një koleg. E reja ishte një menaxhere e linjës, një punëtore e vëmendshme dhe një shefe e kujdesshme. Ajo po monitoronte funksionimin e një makinerie që mbërriti në kompani pesë muaj më parë, një krah mekanik që mbështjell produktet e gatshme me celofan për transport.

Ajo iu afrua paletës për të kontrolluar, duke u larguar nga komanda. Në atë moment një punëtor tjetër, duke mos parë askënd, e vendosi në punë makinerinë. Anilës i ngeci koka, duke i shtypur rruazat e qafës. Rindërtimi i skenës nga hetuesit e shtyu prokuroren Françeska Torri, të hapë një hetim për vrasje nga pakujdesia ndaj kolegut së saj (ende në shok).

Por duhen ende hetime të mëtejshme: kamerat brenda kompanisë do të kontrollohen dhe makineria është sekuestruar; Do të jetë thelbësore të kuptojmë nëse procedurat e sigurisë në lidhje me përdorimin e instrumentit janë kryer në mënyrë korrekte, nëse kërkohej të kontrollohej prania e punëtorëve të tjerë aty pranë, përpara se të ndiznin motorët, nëse ishte siguruar një bllok automatik gjatë mirëmbajtjes.

LEXONI GJITHASHTU:

• E zuri poshtë makineria e ambalazhit, humb jetën 26-vjeçarja shqiptare në Itali
• Aksident në hyrje të Gjirokastrës, përplasen dy automjete