Alarmi i Zelenskyt për luftë në Ballkan, Kearns: Kemi përgjegjësi historike

Deputetja britanike, Alicia Kearns, ka shpërndarë një video të presidentit ukrainas Volodymyr Zelenksy, i cili paralajmëroi më herët se Rusia po planifikon një luftë të re në Ballkan.

Përmes një postimi në rrjetin social “X” Kearns krahas videos ka përsëritur shqetësimet që i pati bërë publike muaj më parë.

“Kam paralajmëruar vazhdimisht se ne duhet të përkushtohemi në Ballkan dhe të mos përsërisim dështimet e parandalimit. Ballkani është në fqinjësinë tonë dhe kemi përgjegjësi historike. Unë kam paralajmëruar në qershor se çfarë mund të shohim në Kosovë, por u hodh poshtë. Fatkeqësisht, shqetësimet e mia u bënë realitet”, ka shkruar ajo në Twitter (X).

I’ve warned repeatedly that we need to find our backbone in the Balkans & not repeat failures of deterrence.

The Balkans is our backyard & we have historic responsibilities.

I warned in June of what we might see in Kosovo but was rubbished.

Sadly my concerns were realised. https://t.co/yZ82EoSnGS

— Alicia Kearns MP (@aliciakearns) November 16, 2023

Në korrik, Kearns paralajmëroi nga Parlamenti Britanik se në kishat ortodokse serbe në Kosovë ka armë të kontrabanduara nga Serbia. Në fund të shtatorit, një grup i armatosur serbësh sulmuan Policinë e Kosovës në Banjskë të Sveçanit, ku mbeti i vdekur efektivi Afrim Bunjaku dhe ku u vranë edhe tre prej kriminelëve serbë. Gjatë aksionit pasues të Policisë, ata u strehuan në Manastirin e Banjskës.

Kujtojmë se Zelensky tha të enjten se duhet një vëmendje më e shtuar në Ballkan, pasi sipas tij, ka informacione që Rusia po planifikon që ta nisë një luftë për ta larguar vëmendjen nga Ukraina.

LEXONI GJITHASHTU: 

• Izraeli nis sulmin në shkallë të gjerë, Euronews Albania siguron videot ekskluzive
• Pamje Ekskluzive nga Euronews Albania. Raketat mbi qytetin Ashkalon në Izrael
• Sirena alarmi e raketa në qiell, Euronews Albania kap momentet dramatike nga lufta