“Nuk pësuam asnjë gol në shtëpi”, Silvinjo ngre në këmbë stadiumin “Air Albania”

Kombëtarja shqiptare e futbollit shënoi një kalim historik për në kampionatin historik që pritet të mbahet në Gjermani.

Edhe pse barazoi në ndeshjen e fundin përballë një ekipi modest si Ishujt Faroe, kuqezinjtë arritën të mbanin kreun e grupit. Një numër i madh makinash veshur me flamur kuqezi pushtuan rrugët, ku me brohori e bori makinash qytetarët festuan suksesin historik.

Në Air Albania është organizuar një festë e madhe me rastin e kualifikimit të Kombëtares kuq e zi në Evropian me fishekzjarre dhe fjalime të trajnerit Silvinjo dhe lojtarëve të Kombëtares.

Në fjalën e tij përshëndetëse para mijëra tifozëve, Silvinjo falënderoi skuadrën, FSHF dhe tifozët, falë të cilëve siç tha Shqipëria është skuadra me mbrojtjen më të mirë dhe sulmin më të mirë që nuk ka pësuar asnjë gol në shtëpi.

“Një falënderim për të gjithë stafin, shumë orë së bashku, kanë qenë orë të lodhshme të vështira. Përfitoj për të falënderuar Federatën dhe presidentin Duka, i falenderoj nga zemra për çdo ditë që kemi punuar. Po e mbyll me tifozët;  nuk kemi pësuar asnjë gol në shtëpi, kemi qenë në mbrojtjen më të mirë dhe sulmin më të mirë”, tha Silvinjo.

LEXONI GJITHASHTU:

• Shqipëria e para në grup, përfundon me barazim sfida me Ishujt Faroe në Air Albania
• Publikohet formacioni për ndeshjen me Ishujt Faroe, 5 ndryshime