“Mbret është paraja”- Vangjeli debaton me Kokën: S’ka masë lehtësuese për Malltezin

Analisti Lorenc Vangjeli dhe gazetari Bledian Koka kanë pasur këndvështrime të ndryshme lidhur me vendimin e “Apelit” të GJKKO-së për lirimin nga qelia të Jamarbër Malltezit.

Në emisionin “Now me Erla Mëhillin” në Euronews Albania, Koka tha se për Malltezin nuk ka pasur masë lehtësuese, pasi sipas ligjit, nuk ka ndryshim mes “arrestit me burg” dhe “arrestit shtëpiak”.

Nga ana tjetër Vangjeli e hodhi poshtë këtë deklaratë, duke thënë se të dyja janë kufizim i lirisë, por nuk do të thotë se është e njëjta gjë.

Vangjeli shtoi gjithashtu se në kapitalizëm ‘mbret’ është paraja dhe sipas tij, ka shumë mënyra të tjera për t’u ndëshkuar, përveç burgut.

Ai shtoi gjithashtu se askush nuk mund të dënohet vetëm me dyshime, pa pasur vendim gjykate dhe prova të forta.

Pjesë nga diskutimet në studio:

Bangjeli: Në qendër të sistemit të ri është individi. Ka pafundësisht mjete dhe mënyra për ta bërë diçka të tillë. Në kapitalizëm mbret është paraja. Perëndi është paraja Garanci pasurore është një mënyrë. Pse do të duhej të mbipopullonim burgjet, të shkatërronim jetë njerëzore, të mbipopullonim burgjet. Është e pamjaftueshme kur thua që kam dyshim të arsyeshëm dhe ti duhet të jesh në burg, kur e kërkon prokurori dhe e vendos gjykatësi.

Koka: Unë mendoj se masa është e njëjta siç ka qenë, pasi arresti shtëpiak llogaritet i njëjtë me atë me burg. S’ka masë lehtësuese. Ne po flasim për korrigjimin e një vendimi që në vetvete është në shkelje të kodit të procedurës penale. Nuk është çështje shkalle. Thjesht fakti që nuk është në burg por në shtëpi, për ligjin është e njëjta gjë.

Vangjeli: Është kufizim i lirisë, por nuk është e njëjta gjë mo.

Koka: Ligjin po citoj mo.

• Zbardhet vendimi për Malltezin, i ndalohet dalja nga banesa e i kufizohet komunikimi
• Berisha dhe Malltezi kundërshtojnë masat e sigurimit, Apeli regjistron ankimimin