Gazetarja: Nuk mendoj se grekët janë më të varfër sesa shqiptarët

Më shumë se gjysma e shqiptarëve, 55.3% e konsideronin veten subjektivisht të varfër, sipas një studimi të Eurostat për vitin 2022. Vendin e parë e mbajnë grekët, 68% e të cilëve kanë deklaruar se ndihen subjektivisht të varfër.

Gazetarja Mirilda Tili tha në emisionin GoodMorning Albanians në Euronews Albania se varfëria është një perceptim subjektiv dhe se nuk i beson statistikat për nivelin e varfërisë së grekëve krahasuar me shqiptarët.

“Varfëria njeh formula të ndryshme përllogaritjeje, varfëria subjektive është: unë mund të shkoja 4 herë nbë muaj të haja jashtë me familjen, sot mund të shkojnë 1 herë dhe them më kanë rënë të ardhurat, ndihem e varfër. Po a iu mungon grekëve ushqimi në tavolinë, në këtë raport nuk më rezulton që grekët të jenë më varfër se shqiptarët”, tha ajo.