28-29 nëntori festohet jashtë vendit, operatorja turistike: 600 euro një fundjavë

28-29 nëntori megjithëse janë ditë feste për shqiptarët, këta të fundit zgjedhin që këtë ditë (të pavarësisë), ta festojnë jashtë vendit.

Operatorja turistike Fjorida Zani është shprehur se shqiptarët e festojnë këtë ditë kryesisht në vendet e rajonit, por sipas saj, edhe shtetet europiane nuk mbeten pas.

“Tradicionalisht i festojnë jashtë festat e nëntorit. Jashtë Shqipërisë, në rajon, por edhe Europa nuk mbetet pas. Kryesisht Roma, Firence, Budapest, Amsterdam. Dhe kërkesat për rajonin nuk ngelen pas, pasi janë më të aksesueshme dhe kohëzgjatja e udhëtimit është më e afërt, mund të ikin me makinat e tyre ose turet e organizuara”, është shprehur Zani.

Pran ndonëse janë festa kombëtare, qytetarët shqiptarë, nuk kursehen për të vizituar vendet e tyre të preferuara, jashtë Shqipërisë. Paketat që ofrojnë operatorët turistikë variojnë në ofertë, duke nisur nga lloji i transportit, ditët e qëndrimit dhe lehtësitë e përfshira në paketë, që kryesisht konsistojnë në dhomën e hotelit dhe mëngjeset.

“Fillojnë nga 300 deri në 500-600 euro, varet nga shërbimet që ofrojnë dhe sa yje janë. Duke qenë se kanë disa ditë pushim, duan t’i shfrytëzojnë jashtë Shqipërisë dhe nuk festojnë për atdhetarizëm.

Sa i takon rezervimeve për qytetet në Shqipëri, operatorët turistikë thonë se janë në minimalen e tyre.

LEXONI GJITHASHTU:

• Panelet diellore, qeveria rihap thirrjen për qytetarët: Paguajmë 70% të vlerës
• Deputetja e PD: Qeveria ka censuruar me arrogancë, na janë hequr të drejtat