Nga qëndresa te kontestimet në gjykatë, Baçi “zbulon” vijimin e aksionit opozitar

Deputeti i Partisë Demokratike, Luan Baçi, është shprehur se mbledhja e komisioneve parlamentare online është e paligjshme.

Komentet Baçi i bëri në emisionin “Now me Erla Mëhillin” në Euronews Albania, ku tha se mënyra e mbledhjes së Komisioneve Parlamentare duhet të kontestohet në gjykatë.

Ai shtoi gjithashtu se situate kishte shkuar në “pikën e ngopjes” dhe opozita kishte 2 opsione, ose të largohej nga Kuvendi, ose të qëndronte.

Baçi tha se qëndresa e opozitës, e cila sipas tij deri më tani ka sjëllë vetëm sukses, do të vijojë me gjithë forcën.

“Nuk ka asnjë faj opozita në këtë drejtim, kishte vajtur në pikën e ngopjes dhe kishte vetëm dy opsione, ose largimin, ose qëndresën. Largimi nuk është opsion, kështu që mbetet qëndresa. Do të qëndrojmë fort. Është sukses i plotë. Maxhoranca ka bërë paligjshmëri.

Të gjitha mbledhjet e Komisioneve parlamentare janë të paligjshme. Online Komisionet bëhen vetëm në pandemi, gjendje lufte dhe gjendje të jashtëzakonshme. Do të kontestohen dhe duhen çuar në gjykatë për paligjshmëri. Suksesi i opozitës dhe dështim i maxhorancës. Kalimi i buxhetit për katër minuta e gjysmë do të mbahet mend gjatë”, është shprehur Baçi.