Superliga/ Skënderbeu pret në shtëpi Teutën, Gvozdenoviç: Synojmë vetëm fitoren

Kampionati shqiptar u rikthye pas disa ditësh pushim, fillimisht nga ndarja nga jeta e lojtarit të Egnatias Dëamena e më pas kualifikueset e Euro2024.

10 ekipe zbresin në fushë të ndara në dy ditë, teksa gjithçka do të luhet ashtu siç ishte planifikuar. Më 24 nëntor, në fushë zbresin Vllaznia, Laçi, Skënderbeu dhe Teuta, me durrsakët të cilët udhëtojnë drejt Korçës.

Një përballje e cila natyrisht do të jetë e vështirë, për faktin se skuadrat nuk kanë menduar për futbollin.

Trajneri i Skënderbeut, Ivan Gvozdenoviç, është shprehur se nga sfida me Teutën synojnë vetëm fitoren.

“Pas tragjedisë s’kemi menduar për futboll, ishim pushim 2-3 ditë. Të shohim nesër, ishte mirë për ne apo jo. Pozitiv ishte se në këto 2 javë edhe Shaqe u rikuperua, e vetmja gjë pozitive”, tha Gvozdenoviç.

“Gjithmonë shikoj maksimumin, do kërkoj maksimumin në pikë, lojë e gjithcka. Ky është mendimi i të githëve. Nesër mendoj vetëm për fitoren”, tha ai më tej.

Gvozdenovic është përgjigjur dhe për një përballje Serbi-Shqipëri në Euro 2024.

“Të them të drejtën nuk mendoj për Evropianin, vetëm për Teutën, kemi kohë të mendojmë pë rata. Përqëndrim për kampionatin shqiptar”, shtoi ai.

Skënderbeu renditet në vendin e 6-të, ndërsa Teuta në të parafundit me 12 pikë.

LEXONI GJITHASHTU:

• Pësoi atak kardiak në fushë, sulmuesi holandez tërhiqet nga futbolli
• Vdekja e Raphael Dwamena/ Skënder Brataj: S’duhet të ishte lejuar të luante futboll