Shtyhet seanca për Malltezin, SPAK kërkon përjashtimin e Ilirjana Olldashit

Seanca gjyqësore për dhëndrin e Sali Berishës, Jamarbër Malltezi i cili është arrestuar si i përfshirë në aferën e Kompleksit “Partizani” është shtyrë për në orën 15:00.

Malltezi ka kërkuar zbutjen e masës së sigurisë, ndërkohë nga ana tjetër SPAK ka kërkuar që të përjashtohet gjyqtarja Ilirjana Olldashi nga shqyrtimi i ankimit të Jamarbër Malltezit për heqjen e sekuestros që i janë vënë 25 pasurive të tij.

“Duke iu përgjigjur interesit të lartë të medias dhe publikut, mbi zhvillimin e seancës gjyqësore të datës 24.11.2023, ora 10:00, mbi çështjen penale nr. 174 akti, datë 17.11.2023 regjistrimi, regjistruar mbi ankimin e ankuesit/personit nën hetim J.M., me objekt: “Ankim ndaj vendimit nr. 446, datë 08.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar, konstatimin e humbjes së fuqisë së masës shtrënguese “Arrest në burg” të caktuar sipas vendimit nr. 112, datë 20.10.2023”, Gjykata e Posaçme e Apelit për Korrupsionin dhe Krimin e Organizuar, informon se trupi gjykues monokratik i përbërë nga gjyqtarja Iliriana Olldashi, urdhëroi shtyrjen e seancës gjyqësore për në datë 24.11.2023, ora 15:00″- thuhet në njoftimin e SPAK.

LEXONI GJITHASHTU:

• Zbardhet vendimi i GJKKO për Ilir Beqën, gjykata: Duhej masë sigurie më e rëndë
• Shtyhet seanca për Berishën, SPAK kërkon përjashtimin e gjyqtares