Dyshohet se u rrëzuan në kopsht, paraqiten në QSUT dy fëmijë. Prokuroria nis hetimet

Policia e Tiranës bën me dije se ka nisur hetimet për rrëzimin e dy fëmijëve në dy kopshte në kryeqytet.

Fëmijët e moshës, 5-vjeçare, janë paraqitur për ndihmë mjekësore në QSUT, pasi dyshohet se janë rrëzuar aksidentalisht në kopshtet e tyre, njëri në në rrugën “Androniqi Antoniu Zengo” dhe tjetri në rrugën “Irfan Tomini”.

Përmes një komunikate zyrtare policia bën me dije se ka referuar në prokurori rastet dhe po vijojnë hetimet për abrdhjen e rrethanave të dëmtimit të fëmijëve.

“Në QSUT janë paraqitur për ndihmë mjekësore, dy shtetas të mitur të moshës 5 vjeç, të cilët dyshohet se aksidentalisht janë rrëzuar në kopshtet që ata frekuentojnë, njëri në rrugën “Androniqi Antoniu Zengo” dhe tjetri në rrugën “Irfan Tomini”. Materialet për këto dy raste i kanë kaluar Prokurorisë, për vlerësim”, thuhet në njoftimin e policisë.