KLP mbron punën e prokurorëve: Dënojmë çdo rast ku intimidohen padrejtësisht

Këshilli i Lartë i Prokurorisë ka mbrojtur publikisht punën e prokurorëve duke gjykuar se të drejtat e tyre po shkelen, pa ju referuar këtu me emër konkret asnjë prokurori.

“Në këtë kuadër, Këshilli i Lartë i Prokurorisë ka ndjekur me shqetësim ditët e fundit, deklaratat e subjekteve të veçanta në mediat audio vizive dhe ato elektronike, lidhur me veprimet procedurale të ndërmarra nga prokurorët e Prokurorisë së Posaçme pranë SPAK,” – thuhet në njoftimin e KLP-së.

Këshilli dënon çdo shprehje apo veprim që fyen dhe intimidon padrejtësisht prokurorët, ndërsa bën thirrje të mos cenohet puna e tyre, por nëse ka ndonjë pretendim apo ankesë ta çojnë në Gjykatën kompetente të parashikuar nga ligji.

Kujtojmë se SPAK ka kërkuar që gjyqtarja Ilirjana Olldashi të largohet nga shqyrtimi i ankimit të Jamarbër Malltezit dhe Sali Berishës për shkak të konfliktit të interesit.

Për rastin e Malltezit, GJKKO ka rrëzuar kërkesën e SPAK.

LEXONI GJITHASHTU:

• EMRI| Zgjidhet anëtari i ri i KLP, kush është prokurori fitues
• Tre vende vakante në KLP, Asambleja e Prokurorëve zgjedh sot anëtarët e rinj